Uzinduzi wa zoezi la Ujenzi la Ujenzi wa Madarasa 22 ya Sekondari

Posted on: October 28th, 2021

Baada ya kupokea fedha Shilingi 440,000,000 za ujenzi wa Madarasa ishirini na mbili ya Shule za Sekondari  NANE zilizopo Manispaa ya Mtwara-Mikindani, Mkuu wa Wilaya ya Mtwara Mhe. Dunstan Kyobya Oktoba 28,2021 amezindua  Mkakati wa ujenzi wa madarasa hayo kwa kuchimba Msingi katika Shule ya Sekondari ya Bandari  kwa kushirikiana na Wataalamu kutoka Manispaa, Bodi za Shule, walimu pamoja na wananchi.

Katika Uzinduzi huo Mkuu wa Wilaya amezitaka shule zote zilziopata fedha za ujenzi kuhakikisha wanajenga madarasa hayo ndani ya wiki nane huku  akiwaasa wananchi kushiriki kikamilifu katika kuchangia nguvu kazi ili madarasa yaweze kukamilika kwa wakati.

Amezitaka bodi za shule kusimamia vizuri ujenzi huku akisisitiza kutumia mafunzi wenyeji (force account) katika ujenzi huo na amewataka  Mkurugenzi na Mstahiki Meya kuwa na  mikakati mizuri ya kuhakikisha wanafunzi hawakai chini.

Pamoja  na Shule ya Bandari ambayo imepokea fedha Tsh. 80,000,000 za ujenzi wa madarasa manne,   shule zingine zilizopokea fedha ni Pamoja na Shule ya Sekondari Chuno madarasa manne (Tsh. 80,000,000), Shule ya Sekondari Shangani madarasa manne (Tsh. 80,000,000).

Shule zingine ni Pamoja na Shule ya Sekondari Mitengo madarasa mawili (Tsh. 40,000,000), Shule ya Sekondari Naliendele madarasa mawili (Tsh. 40,000,000), Shule ya Sekondari Mtwara-Ufundi madarasa mawili (Tsh. 40,000,000) , Shule ya Sekondari ya Sino Tanzania Friend Ship madarasa mawili (Tsh. 40,000,000)Pamoja na Shule ya Senkondari Mangamba madarasa mawili (Tsh. 40,000,000).