Waajiriwa Wapya Mtwara-Mikindani Watakiwa Kuzingatia Kanuni na Maadili ya Utumishi

Posted on: July 29th, 2022

Waajiriwa wapya thelathini na tisa wa ajira mpya katika kada za afya , Elimu na Utawala Manispaa ya Mtwara – Mikindani wametakiwa kufanya kazi kwa bidii kwa kuzingatia kanuni na maadili ya Utumishi Umma.

Rai hiyo imetolewa  Julai 28,2022 na kaimu Mkurugenzi  wa Manispaa bwana Mangula Mayemba kwenye mafunzo ya waajiriwa hao yaliyofanyika katika Ukumbi wa Mikutano wa ofisi Ya Manispaa.

Aidhi Mangula amewapongeza waajiriwa hao kwa  kupata nafasi ya kuhudumu ndani ya Manispaa na kuwakaribisha kuendelea kulisukuma gurudumu la Maendeleo kwa kuhudumia  jamii ya wanamtwara

Mkuu wa idara ya Utawala na usimamiziwa ukaguzi wa Rasilimali watu Bi. Upendo Haule  amewasisitiza waajiriwa hao kuzingatia nidhamu katika kazi hasa uvaaji wa nguo zilizotajwa kwenye waraka wa mavazi , kuwahi kazini na kutoa huduma bila upendeleo.

Katika mafunzo hayo yaliyoendeshwa kupitia mfumo wa ufundishaji wa kielektroniki (MUKI) washiriki wa mafunzo wamefundishwa mada mbalimbali zikiwemo mfumo wa Serikali za Mitaa  , wajibu , haki na maswala ya nidhamu Watumishi wa umma , kanuni na maadili  ya Utumishi wa Umma.

Mada zingine ni Pamoja na taratibu za kiofisi pamoja na Usimmizi wa Kumbukumbu na Mawasiliano Serikalini, Usimamizi wa utendaji kazi katika Utumishi wa Umma ,huduma kwa Mteja Pamoja na masuala ya kitaaluma na mtambuka.