Waandihsi Wasaidizi Na Waendesha Vifaa Vya Bayometriki Wahimizwa Kuandikisha Wananchi Wenye Sifa

Posted on: January 27th, 2025

Waandishi Wasaidizi na Waendesha  Vifaa vya Bayometriki Ngazi ya Kata Jimbo la Mtwara Mjini,wamehimizwa kuwaandikisha Wananchi wenye sifa ili waweze kupata haki yao ya kikatiba itakayowawawezesha kushiriki katika kuchagua Viongozi wao.

Hayo yamesemwa Leo Januari 26,2025  na Afisa Mwandikishaji Msaidizi Jimbo la Mtwara Mjini Ndugu Allen Ndomba wakati  akifunga Mafunzo ya siku mbili ya Waandishi wasaidizi na Waendesha vifaa ya Bayometriki  yalifanyika Leo katika Ukumbi wa Shule ya Sekondari ya Mtwara Ufundi.

Alibainisha kuwa ni matarajio ya Tume kuwa,mara baada  ya zoezi hilo ni kukamilika kwa  wapiga kura wataokuwa wamepatiwa kadi na watakuwa ni wapiga kura halali.

Aidha,amewasisitiza umuhimu wa kuzingatia umakini katika kila eneo iwemo utunzaji wa vifaa vyote.

Kwa upande wake Bi.Fausta Mahenge  Afisa Sheria Mwandamizi Kutoka Tume Huru ya Taifa ya Uchaguzi amewataka waandishi Wasaidizi kuweka kipaumbele katika kuwaandikisha  watu wenye mahitaji maalum wakiwemo wanawake wajawazito,watu wenye ulemavu pamoja na wagonjwa.

Uboreshaji wa Daftari la kudumu la wapiga kura ni maandalizi ya Uchaguzi Mkuu Mwaka  2025.

Zoezi la uboreshaji wa daftari la kudumu la mpiga kura litaanza Januari 28,2025 na litakamilika Februari 3,Mwaka huu likiwa na kauli mbiu inayosema “Kujiandikisha kuwa Mpiga Kura ni Msingi wa Uchaguzi Bora”