Wajasiliamali Mtwara-Mikindani Kuandaliwa Maonesho Kila Mwisho wa Mwezi

Posted on: August 8th, 2024

Mkuu wa Wilaya ya Mtwara Mhe Mwanahamisi Munkunda amesema kuwa atashirikiana  na ofisi ya  Mkurugenzi wa Manispaa ya Mtwara-Mikindani katika kuaandaa Maonesho ya wajasiliamali yatayowakutanisha pamoja kila mwisho wa mwezi yenye lengo la kutanua wigo wa biashara na kubadilishana elimu ya ujasiliamali.

Amesema kuwa atakaa na Mhe.Mstahiki Meya Shadida Ndile na kuwashirikisha wajasiriamali ili kuweka mazingira wezeshi kwa kila mjasiliamali ili  aweze kupata meza kila ifikapo siku ya maonesho.

“Wapo wateja ikishapita nanenane hawajui bidhaa aliyonunua  inapatikana wapi kwa wakati mwingine,lakini wapo watu hapa hawaamini kwamba unaweza kuendesha maisha kupitia biashara hizi, tunapowaunganisha pamoja watajifunza na watatengeneza bidhaa kulingana na hitaji la mteja”alisema Munkunda

Amesema kuwa  kwa kufanya hivyo pia itasaidia kujua mwenendo wa biashara za wajasiliamali wanaokopeshwa kupitia mikopo ya Wanawake,  vijana na watu wenye ulemavu.

Hayo yamejili leo Agosti 8,2024 kwenye  kilele cha Maadhimisho ya nanenane Ngongo-Lindi alipotembelea katika banda la Manispaa ya Mtwara-Mikindani