Wakazi1052 Wa Mwera Kunufaika Na Mradi Wa Kisima Cha Maji Kilichozinduliwa Na Mwenge Wa Uhuru

Posted on: May 25th, 2025

Jumla ya wakazi wapatao 1052 wa  Mtaa wa Mwera wana uhakika wa kupata maji safi na salama baada ya Kiongozi wa Mbio za Mwenge wa Uhuru Kitaifa Ndugu. Ismail Ali Ussi kuzindua mradi wa kisima cha maji katika  Mtaa huo  uliogharimu  Shilingi milioni kumi na tatu laki tano arobaini na moja (13,541,000).

Ndugu Ussi amesema kuwa yeye pamoja na timu yake wanafarijika kuona maendeleo makubwa yanayofanywa na Serikali na kumpongeza Mkuu wa Wilaya,  Madiwani na Mkurugenzi na timu yake.

Aidha amewataka wannachi wa eneo hilo kuhakikisha wanaitunza miundombinu iliyojengwa kwa kuwa Manispaa imefanya jitihada kubwa ya kuwaletea  maji safi na salama

Afisa Mtendaji wa Kata ya Chikongola Bi. Shakila  Twahili amesema wazo la kuchimba kisima hicho lilitolewa na wananchi wa mtaa huo kwa kushirikiana  na diwani wa  Kata hiyo Mhe. Musa Namtema kutokana na wakazi wake kukumbwa na uhaba mkubwa wa maji.

Ili kutatua  changamoto hiyo Mhe. Diwani  alichangia shilingi milioni mbili (2,000,000 ), wakazi wa Mtaa huo nao walichangia Shilingi milioni moja laki saba arobaini na moja ( 1,741, 0000 )na kuanza ujenzi wa kisima hiko.

Hata hivyo baada ya fedha hizo kutotimiza lengo lao , Manispaa ya Mtwara-Mikidani ilichangia Shilingi milioni tisa laki nane ( 9,800,000 ) kutoka mapato ya ndani kwa ajili ya kukamilisha ujenzi wa kisima hiko.

Aidha amebainiha kuwa pamoja  na wananchi wa Mtaa huo kuwa na uhakika wa  kupata maji safi na salama mradi huo pia utasaidia kupunguza  umbali mrefu wa kutembea   kutafuta maji pamoja na kuongezeka kwa muda wa kufanya shughuli za kiuchumi.