Wakulima Mtwara Mikindani Wanufaika na Ruzuku ya Pembejeo za Kilimo

Posted on: June 30th, 2021

Wakati  Serikali  ikiendelea  kuboresha mazingira wezeshi  kwa wakulima  kupitia  upatikaji wa pembejeo hapa  nchini,   wakulima wa korosho Manispaa ya Mtwara -Mikindani  wanufaika  kwa kupokea ruzuku ya pembejeo  za  kilimo.

Mkuu wa idara ya kilimo,umwagiliaji na ushirika  Bw.Mohamed Longoi  , amesema   Manispaa ya Mtwara-Mikindani imepokea  pembejeo  mifuko 1812 ya salta , bedmenol  lita 297,  subatext  lita 148 pamoja na duduba  lita 3414 ambazo zinaendelea kusambazwa kwa kutumi kusambazwa  kwa wakulima kupitia vyama vyao vya Msingi.

 “Wananchi tayari wamepokea pembejeo na wameshaanza kuzitumia  kwaajili ya kuzuia wadudu  na kutibu magonjwa katika  zao la korosho, maafisa kilimo wa Kata na Mitaa  wanaendelea kusimamia   matumizi sahihi ya viwatilifu hivyo”Amesema  Longoi

 Kutokana na  juhudi  za Serikali katika kukuza sekta ya kilimo nchini Bw. Longoi ameishukuru  Serikali kwa kurahisisha upatikanaji wa pembejeo Mtwara-Mikindani  kwani  zimefika wakati  sahihi wa matumizi  na  pia imepunguza  gharama   za manunuzi ya pembejeo  kwa  wakulima.

Naye  Mwenyekiti wa chama cha Msingi Naliendele Bw. Said Jalulu  amesema kuwa muitikio wa wakulima ni mkubwa   wengi wamejitokeza kuchukua pembejeo,  na ameiomba serikali  kuwa zoezi hili liwe endelevu kwa manufaa ya wakulima wa Mtwara.

Naye Bi.theresia Mnunduma ambae ni mnufaika wa ruzuku hiyo ameishukuru Serikali  kwa kuendela kuboresha mazingira ya uuzaji wa zao la korosho  kwa kuondoa   tozo  ya  shil. 110   kwenye kila kilo moja ya korosho  waliokuwa wanakatwa hapo awali.