Wakuu wa Idara Wajengewa Uelewa juu ya Mfumo wa Anuani za Makazi

Posted on: February 10th, 2022

Wajumbe wa timu ya menejimenti ya Manispaa ya Mtwara-Mikindani (CMT) Leo februari 10, 2022 wamepatiwa mafunzo ya uelewa juu ya mfumo wa anuani za makazi na postikodi ambao unatoa un utambulisho wa mahali mtu anapoishi au kitu kilipo juu ya uso wa ardhi.

Mfumo huo ambao unatarajia kuanza hivi karibuni unahusisha namba ya anuani ya jeango au kiwanja Jina la barabara , postikodi ya Mkoa, Wilaya Pamoja na Kata.

Mfumo wa anuani za makazi utakuwa na faida nyingi ikiwemo kurahisisha utoaji , upatikanaji na upelekaji wa huduma na bidhaa kwa wananchi au wateja , kuongeza wigo wa ukusanyaji wa mapato,ajira, kurahisisha upatikanjai wa huduma majumbani Pamoja na kurahisisha biashara kwa njia ya mtandao.