Wana Mtwara Tushirikiane Katika Kulinda Amani

Posted on: May 7th, 2021

Mkuu wa Wilaya ya Mtwara Mikindani   Mhe, Dunstan  Kyobya amewataka wananchi wa Mtwara kutoa taarifa pindi wanapoona kuna hatari ya uvunjifu wa amani katika Manispaa hii ili  kuendelea kudumisha amani  na usalama   katika kuleta maendeleo ndani  Manispaa ya Mtwara Mikindani.

Mhe. Kyoba ametoa rai hiyo  tarehe 7 Mei,2021   kwenye iftari   aliyoiandaa  kwa kushirikiana na Mstahiki Meya wa Manispaa ya Mikindani , Bi. Shadila Ndile iliyofanyika nyumbani kwa Mkuu wa Wilaya.

Alisema  kuwa suala la kulinda amani ni la kila mwananchi, hivyo ametoa wito kwa kila mwananchi  kuwa mdau namba moja katika kuendelea,  kuimarisha  na kulinda     usalama na amani  kwa maendeleo  ya Manispaa hii.

“Jana nimetimiza mwaka mmoja tangu nimekuwa Mkuu wa Wilaya ya Mtwara Mikindani, ninashukuru kwa ushirikiano mlionionesha katika kipindi chote hicho, niwaombe  wananchi wa Mtwara Mikindani tuendelee kushirikiana  katika kudumisha amani  kwa maendeleo ya Wilaya yetu”

Naye Mstahiki Meya wa Manispaa ya Mtwara Mikindani Bi. Shadida Ndile ametoa wito kwa  wananchi waliohudhuria katika hafla hii  kushirikiana katika kutatua changamoto zinazoikabili Manispaa  kwani maendeleo yoyote lazima yaje na changamoto.

Iftari hiyo ilihudhuriwa na wananchi mbalimbali wakiwemo viongozi wa kidini  na Kiserikali pamoja na  baadhi ya wananchi wa Manispaa ya Mtwara Mikindani.