Wananchi Mtwara Watakiwa Kupanda Miti na Kuitunza

Posted on: February 14th, 2020

Mkuu wa Wilaya ya Mtwara Mhe Evod Mmanda amewataka wananchi Wilayani Mtwara kujenga utamaduni wa kupanda miti katika maeneo yao pamoja na kuitunza miti iliyopandwa ili kufanya mazingira kuwa mazuri na yenye kuvutia.

Mmanda ametoa rai hiyo kwenye zoezi la uzinduzi wa upandaji miti uliofanyika Kimkoa Wilayani Mtwara katika Viwanja vya Shule ya Misngi ya Tandika iliyopo  Manispaa ya Mtwara Mikindani Februari 14,2020.

Amesema kuwa kumekuwa na takwimu nyingi za upandaji wa Miti lakini changamoto kubwa   ni namna gani mapenzi ya kupanda miti  yanakwenda sambamba na mapenzi ya kutunza miti..

“Tunaweza kuwa na mapenzi ya kupanda miti lakini mapenzi ya kutunza miti hadi ikakaomaa yasiwepo, tupende kupanda miti,kuitunza miti iliyopo na iliyopandwa” alisema Mmanda

Aidha Mmanda amesema kuwa matumizi ya mkaa yamekuwa makubwa kuliko kasi ya upandaji wa miti na kwamba hali ya  ukataji ikiendelea inaweza ikaleta madhara makubwa sana katika utunzaji wa mazingira.

Amewataka wakala wa misitu kanda ya kusini kutoa elimu juu ya sheria za mchakato wa kuvuna mazao ya misitu ili wananchi wawe na uelewa na kuondoa malalamiko pindi wakala hao wanapotekeleza sheria zao.