Wananchi watakiwa Kuchukua tahadhari dhidi ya Ugonjwa wa corona

Posted on: July 9th, 2021

Kutokana na kuwepo kwa janga la Ugonjwa wa CORONA Duniani, Mkuu wa Wilaya  ya Mtwara Mhe. Dunstan Kyobya amewataka wananchi wote Wilayani Mtwara kutochukulia poa  Ugonjwa huo badala yake wachukue  tahadhari kwa kuzingatia ushauri unaotolewa na wataalamu wetu wa afya kila mara.

“Tuzingatie  ushauri wa wataalum wetu, Nitoe tahadhari juu ya ugonjwa wa CORONA, nawa mikono, vaa barakoa kama hauna ya dukani vaa kitambaa chako au jifunike, tumia vitakasa  mikono, tuepuke misongamano isiyo na ulazima, tunapokaa tuache nafasi ili tupeane hewa ya kutosha” Alisema Kyobya

 Mhe. Kyobya maetoa rai hiyo Julai,8,2021 alipohudhuria hafla fupiya utoaji wa mikopo ya Vikundi vya Wanawake, Vijana na Wwatu wenye Ulemavu iliyofanyika katika Viwanja vya Mashujaa vilivyopo Manispaa ya Mtwara-Mikindani.

Aidha amewataka Viongozi wa Kata na Mitaa kuendelea kuhamasisha wananchi kuendelea kuchukua tahadhari huku akiwasisistiza walimu mashuleni, wananchi na wafanyabiashara kuweka kibango cha kunawia mikono, vitakasa mikono pamoja na uvaaji wa barakoa.