Wananchi Watakiwa Kushirikiana na Serikali Kutokomeza Ukatili dhidi ya Watoto

Posted on: June 18th, 2021

Katika kuhakikisha    Tanzania inaondokona na  ukatili dhidi ya wanawake na watoto,  Afisa Ustawi wa  Jamii  Halmashauri ya  Manispaa  Mtwara- Mikindani Bw. Godlove Miho ametoa  rai   kwa mwananchi wa Manispaa hii kushirikiana  na Serikali  na wadau mbalimbali katika kutokomeza ukatili  dhidi ya  na watoto   ili     kuboresha ustawi wa  mtoto wa sasa na ajae.

"Ukatili huu unafanywa kwenye jamii na unafanywa na wanajamii , hali kwa kweli hairidhishi,  jaribu kufikiria hadi sasa tuna kesi 29 zinazohusiana na  ukatili wa mtoto, hata mwaka bado haujaisha, nitoe rai kwa wananchi wote  tushirikiane kwa pamoja ili  tuweze kuondokana na  tatizo hili , tusitegemee  Serikali pake yake” Alisema Bw.Miho

Miho amesema hayo katika mafunzo ya usalama na ulinzi wa mtoto yanayofanyika Juni 17,2021 katika ukumbi wa shule ya Msingi St.  Michael iliyopo Manispaa ya Mtwara Mikindani.

 Miho ameendelea kusisitiza  kuwa   sio jukumu la Serikali pekee  kuhakikisha inatokomeza ukatili  dhidi ya watoto  bali  kila   mwananchi  ana  wito na jukumu  wa kuhakikisha anamlinda mtoto dhidi ya  ukatili  na kutoa taarifa kwa vyombo husika  pindi anapoona viashiria  vya  ukatili katika jamii inayomzunguka.

 Ameendelea kuzitaja  aina za ukatili dhidi ya mtoto   ni pamoja na  ukatili  unahusisha matumizi ya nguvu na vitisho kwa mtoto  vinavyofanywa na mtu au kikundi cha watu na kusasbisha mtoto kupata madhara ya kimwili na kiafya , ukatili wa  kisaikilojia  au kingono pamoja na utelekezwaji wa mtoto   bila kupata  haki zake za msingi .

Ili  kuondokana  na  ukatili huo dhidi ya mtoto nchini,Miho ameto wito kwa wanajamii  kutoa taarifa  kwa vyombo husika  pindi wanapoona  kuna kiashirio cha ukatili wa  mtoto  au kupiga simu  namba   ya msaada 116  bila malipo.

Mafunzo hayo ambayo  yamefadhiliwa na UNICEF  yanayofanyika kwa siku tano ,yanalenga   kuwajengea  uwezo wajumbe wa kamati  ya ulinzi na usalama wa mtoto ngazi ya Manispaa    kufahamu  masuala mbalimbali yanayohusiana na ulinzi na   usalama wa mtoto   katika kujenga ustawi wa  mtoto wa sasa na baadae .