Watoa huduma,wenyeviti na wajumbe wa kamati za afya wapatiwa mafunzo ya CHF iliyoboreshwa

Posted on: May 7th, 2018

Manispaa ya Mtwara-Mikindani Mei 7,2018 imeendesha mafunzoya siku tatu  kwa watoa huduma, wenyeviti na wajumbe wa kamati za afya kwa ajili ya kupeana uelewa wa maswala yanayohusu mfuko wa afya ya jamii  (CHF) iliyoboreshwa.

 Mafunzo hayo yamelenga kuwajengea uweo  watoa huduma hao ili waweze kufahamu mfumo mzima wa CHF iliyoboreshwa pamoja na matumizi ya mfumo huo ambao utakatumika kuandikisha wananchi katika mfumo huo ujulikanao kama  Insurance Management  Information system(IMIS)

Dkt Christa Nzali kaimu mganga mkuu wa manipsaa amesema kuwa uanzishwaji wa CHF iliyoboreshwa imekuja kutatua baadhi ya changamoto zilizokuwa zinajitokeza kwenye mfuko wa afya ya jamii  ujulikanao  TIKA  yaani tiba kwa kadi ambao unatumika hadi sasa.

Amesema mfumo huo utakapoanza  kila kaya itachangia shilingi 30,000 kwa mwaka ambayo itahusisha walengwa sita wakiwemo  baba, mama, mke, mume pamoja na watoto wenye umri usiozidi miaka 18. Ameongeza kuwa mwananchi anapokata bima hiyo atatibiwa katika Zahanati,Vituo vya afya na hospitali zote za wilaya, mikoa yote iliyopo Tanzania isipokuwa hospitali ya Taifa ya Muhimbili.

Mafunzo ya CHF iliyoboreshwa yameanza mei 7 na yataishia mei 9, 2018 na baada ya hapo mafunzo yataeendelea kwenye ngazi nyingine zilizopo kwenye Kata. Aidha huduma za CHF iliyoboreshwa itaanza kufanya kazi ifikapo mwezi Julai 2018.