CCM Wilaya Yashiriki Ujenzi wa Choo Milumba

Posted on: February 7th, 2020

Wakiwa  kwenye ziara ya ukaguzi wa utekelezaji wa Ilani ya Chama Cha Mapinduzi kwa kutembelea miradi mbalimbali ya Maendeleo inayotekelezwa ndani ya Manispaa ya Mtwara-Mikindani, Februari 7, 2020  Kamati ya siasa ya CCM Wilaya ya Mtwara Mjini imeshiriki zoezi la ujenzi wa Choo cha Mwalo wa Mirumba kilichopo Kata ya Jangwani.

Choo cha hicho kinachojengwa kwa kutumia mapato ya ndani kinatajaria kutumia fedha kiasi cha Shilingi Milioni kumi hadi kukamilika kwake na kitakuwa na vyumba vitano vikiwemo viwili vitakavyotumiwa na wanawake, viwili wanaume na kimoja ni kwa ajili ya Walemavu.

Mwenyekiti wa Chama Cha Mapinduzi Wilaya ya Mtwara Mjini Salumu Mpilu  amesema kuwa amefurahi kuona agizo lake alilolitoa kwa Mkurugenzi mwaka jana alipotembelea soko hilo kuhusu kutenga fedha kwa ajili ya ujenzi wa choo katika soko hilo limetekelezeka  na kupongeza Ofisi ya Mkurugenzi kwa kuwajali wananchi.

 Kwa upande wake Mstahiki Meya wa Manispaa ya Mtwara-Mikindani Mhe, Geofrey Mwanichisye amewataka Wananchi  kutoa nguvu zao na kujitolea ili kuunga mkono juhudi za kuleta  maendeleo katika nchi yao.