DC Kyobya Awahakikishia Wananchi amani ya Kutosha katika Uchaguzi Mkuu

Posted on: August 14th, 2020

Ikiwa imebaki takribani miezi miwili nchi ya Tanzania ifanye Uchagzui Mkuu wa Rais, Wabunge na Madiwani, Mkuu wa Wilaya ya Mtwara Mhe. Dunstan Kyobya amewatoa wasiwasi Wananchi wa Mtwara na kuwataka kujitokeza kwa wingi kwenye kupiga kura kuchagua kiongozi wanayemtaka huku akiwahakikishia uwepo wa amani ya kutosha katika uchaguzi huo.

“Nchi yetu inaingia kwenye Uchaguzi Mkuu Oktoba mwaka huu, siku ikifika nendeni mkapige kura ,Ninawahakikishia  usalama kwa asilimia 100”alisema Kyobya

Kyobya amesema hayo Agosti 14, 2020 alipofanyaMkutano wa kusikiliza kero za wananchi katika Kata tano za Tarafa ya Mikindani iliyopo Manispaa ya Mtwara-Mikindani.

Aidha ameahidi kupambana na wale wote ambao wataonekana wana nia ya kuvuruga Uchaguzi kwa kuleta chokochoko na kutishia amani ya watu wengine.

Katika Kuhakikisha yote hayo yanatekelezeka amewaagiza Watendaji wa Kata zote kuhakikisha wanatoa taarifa mapema katika Ofisi yake inapoonekana Kuwepo kwa viashiria vya uvunjifu wa amani katika maeneo yao ya utawala.

Uchaguzi Mkuu wa Rais, Wabunge na Madiwani unatarajia kufanyika ifikapo OKtoba 28 mwaka huu.