Wasajili Wasaidizi wa Vyeti Vya Kuzaliwa Wametakiwa Kutoa hamasa Kwa Wananchi

Posted on: June 22nd, 2021

Kutokana na   kutoridhisha kwa maendeleo ya usajili na utoaji vyeti  kwa watoto wenye umri chini ya miaka  mitano,Afisa maendeleo ya jamii Halmashauri ya Manispaa ya Mtwara- Mikindani Bi. Juliana Manyanya ametoa wito kwa wasajili wasaidizi  katika halmashauri hii  kwenda kutoa  hamasa na elimu  kwa wananchi   juu ya umuhimu wa usajili wa  vyeti vya watoto chini ya Miaka  mitano.

“Nendeni mkafanye kazi katika maeneo yenu , hali ya usajili  wa yeti vya kuzaliwa  bado ipo chini sana, wananchi wanahitaji kuelimishwa wengine hawana uelewa juu ya umuhimu wa vyeti hivi, sasa hivi  kila ukienda  ofisi mbalimbali wanakuomba cheti cha kuzaliwa, ni muhimu na haki ya kila mtu” Alisema

Ametoa wito huo alipozungumza na wasaidizi hao  katika kikao kazi cha kuwajengea uwezo   kilichofanyika  Juni 20, 2021  katika ukumbi wa Shule ya Msingi St.Michael  iliyopo Manispaa ya Mtwara-Mikindani.

Manyama ameendelea kuwashukuru UNICEF  kuwa kudhamini mafunzo hayo  na kuendelea kuwajengea uwezo wasajili hao.

Baada ya mafunzo hayo wasajili wasaidizi watafanya  kampeni ya uandikishaji na utoaji vyeti kwa siku  siku nne kuanzia   juni 21  hadi juni 214,2021

Aidha RITA imerahisisha uhakiki   na usajili wa  vyeti vya kuzaliwa,   mwananchi anaweza kufanikisha mazoezi hayo kupitia  tovuti ya  www.rita.go.tz  kwa gharama ya shilingi 3000/= kwa uhakiki wa  vyeti na 10000/= kwa usajili wa cheti kipya.